AKSIONI “FATI I LOJRAVE”/ Sot jepet masa e sigurisë për 30 nga 115 të arrestuarit (EMRAT)

23 February, 2020 Delo.autor Aktualitet

Gjykata e Tiranës do të jap ditën e sotme masën e sigurisë për 30 nga 84 të arrestuarit në kryeqytet gjatë operacionit “Fati i Lojërave” që u zhvillua kundër bixhozit dhe shkatërrimit të një rrjeti të gjerë që funksiononte në paligjshmëri në fushën e basteve sportive.

Prokuroria e Tiranës ka nisur për 30 të arrestuarit, që pritet të përballen sot me togat e zeza, hetim pasuror dhe ka ngrirë çdo llogari bankare, karta krediti e debiti të tyre. Kjo masë sekuestro preventive e prokurorisë do të zgjasë deri në përfundim të hetimeve ndaj tyre.

Gjatë operacionit në Tiranë u arrestuan edhe Gramoz Murtaj, njëri nga pronarët e kompanisë së basteve “ecco bet” në Shqipëri, i cili rezulton se është i dënuar në Itali për drogë dhe zotëron tre kompani me licencë në vendin fqinj për lojërat e fatit, si dhe Elvis Mulaj, i cili është vëllai i Natasha Mulajt, kryetares së Kolegjit të Posaçëm të Apelimit, shkalla e dytë e vettingut. Murtaj dhe Mulaj nuk janë sot mes 30 personave që pritet të marrin masën e siguresë nga Gjykata e Tiranës.

Gjatë operacioni anti-bixhoz, që u shtri në 8 qarqe të venditu arrestuan 115 persona, u sekuestruan 172 milionë lekë të vjetra, 40 kompjuterë, 60 DVR, 245 aparate celularë, një numër i konsiderueshëm televizorësh plazma, blloqe shënimesh që shërbenin për vendosjen e basteve, kasa fiskale dhe një armë zjarri pistoletë. Arrestimet ndodhën pas hetimeve 7 mujore dhe u përfshinë 1540 forcave policore në të gjithë vendin.