Një 37-vjeçar ka rënë në prangat e policisë së Elbasanit, pasi akuzohet se ka aksidentuar një 8 vjeçar.
Ngjarja në fjalë ndodhi në aksin rrugor Elbasan-Bradashesh. Burime zyrtare nga policia bënë me dije se Besim Vreto aksidentoi shtetasin me inicialet A.S., ndërsa ky i fundit fatmirësisht ndodhet jashtë rrezikut për jetën.
NJOFTIMI I POLICISË
Nga Specialistët e Qarkullimit Rrugor në Drejtorinë Vendore të Policisë Elbasan, u arrestua në flagrancë shtetasi:
• Besim Vreto , 37 vjeç , banues në Tiranë.
Pasi në aksin rrugor Elbasan-Bradashesh, ky shtetas duke drejtuar mjetin tip “Benz”, me targa AA 719 ER, ka aksidentuar një fëmijë, shtetasin A.S, 8 vjeç, banues në lagjen “28 Nëntori”, Elbasan.
Fëmija menjëherë është transportuar në Spitalin e Elbasanit dhe është jashtë rrezikut për jetën. Materialet i kaluan Prokurorisë pranë Gjykatës së Shkallës së Parë Elbasan, për veprën penale, “Shkelja e rregullave të qarkullimit rrugor”, e parashikuar nga neni 290 i Kodit Penal.