Ka qenë duke shkuar drejt plazhit por Denis Biçaku nuk ka treguar kujdes të mjaftueshëm teksa drejtonte automjetin e tij të llojit “Opel”.
Kështu në qytetin e Librazhdit ka aksidentuar me plagë të lehta një shtetase të mitur, të moshës 4 vjeç. Kjo e fundit ka marrë mjekimet e duhura nga Spitali i qytetit dhe është larguar për në banesë.
Por 23 vjeçari është larguar nga vendngjarja duke rritur mundësitë që të kërkohej për t’u prangosur.
Akuzat ndaj tij janë ato të mos-respektimit të qarkullimit rrugor, ndaj edhe mëngjesin e sotëm ndodhi arrestimi i tij në qytetin e Elbasanit.
ALPENews.al ishte raportuese e këtij lajmi, ndërsa bën me dije se personi në fjalë është identifikuar si ky mëposhtë.
NJOFTIMI ZYRTAR I POLICISË
Në vijim të informacionit paraprak datë 24.08.2018, ju informojmë se Specialistët e Qarkullimit Rrugor në Drejtorinë Vendore të Policisë Elbasan, arrestuan në flagrancë shtetasi:
Denis Biçaku, 23 vjeç, banues në Librazhd. Ky shtetas u arrestua pasi në unazën e qytetit Librazhd, duke drejtuar mjetin “Opel” me targa AA357GZ, ka aksidentuar këmbësoren, shtetasen e mitur D.O., 4 vjeçe, banuese në Librazhd, ku pas ndihmës së parë në spitalin e Librazhdit u dërgua në Spitalin e Tiranës për një mjekim më të specializuar dhe ndodhet jashtë rrezikut për jetën. Materialet i kaluan Prokurorisë pranë Gjykatës së Shkallës Parë Elbasan, për veprën penale “Shkelje e rregullave të qarkullimit rrugor”, parashikuar nga neni 290 i Kodit Penal.
/ALPENews.al
