Një aksident i rëndë ka ndodhur në aksin Shkodër-Lezhë në vendin e quajtur Krye Bushat. Burime bëjnë me dije se dy murgesha nga Kosova të identifikuar si shtetaset Diana Mjeshtri 45 vjeçe dhe Luljeta Zefi 39-vjeçe kanë humbur jetën si pasojë e përplasjes së dy mjeteve ndërsa 5 të tjerë kanë mbetur të plagosur rëndë.
Nga hetimet paraprake, sipas burimeve policore rezulton se mjeti tip “Fouristradë” ku udhetonin 4 persona që kanë mbëtur të lënduar, ka goditur në pjesën e pasme mjetin tip “AUD” me targë 778 RA ku udhëtonin tre murgesha.
Si pasojë e përplasjes dy murgesha humbën jetën, ndërsa murgesha , Beta Mata 32 vjeçe ka mbetur e plagosur rëndë. Fouristrada ka tentuar që të frenojë por si shkak i shpejtësisë ka qenë e pamundur për të ndaluar apo për të manovuar. Fouristrada ka përfunduar në kanal ndërsa fare pranë saj edhe mjeti tjetër i aksidentuar. 5 të plagosurit ndodhen nën kujdesin e mjekëve në spitalin e Shkodrës.
