AKSIDENTI NE BERAT/ Detajet e reja, kush e drejtonte minibusin dhe gjendja e nxënësve (VIDEO+FOTO)

Një aksident me disa të plagosur ka ndodhur mëngjesin e sotëm në fshatin Vërzhezhë, në Berat.

Dyshohet se autobusi ka rrëshqitur dhe ka dalë nga rruga.

Sipas informacioneve autobusi ka pasur 15 persona, ku 10 prej tyre janë plagosur.

Nxënësit e plagosur janë të moshës nga 14 deri në 18 vjeç.

Një prej të plagosurve është më rëndë dhe është dërguar për në Spitalin e Traumës në Tiranë. Nxënësja e moshës 18 vjeçe me iniciale R.K. po transportohet në Tiranë. 5 nxënës të lënduar po marrin mjekim ne spitalin e Skraparit dhe 4 ne spitalin e Beratit.

Autobusi që është përfshirë në këtë aksident mësohet se ka targat AA 445 AH, dhe po transportonte nxënës të një shkollë në Çorovodë.

Drejtuesi i mjetit sipas informacioneve të deritanishme është shtetasi me iniciale A.H.

Njoftimi i policisë

Në orën 07:35, mjeti  me targa AA 445 KE me drejtues shtetasin A.H, që transportonte nxënës shkolle nga fshatrat Buzuq dhe Orizaj për në shkollën e Çorovodës, ka dalë nga rruga. Për pasojë nxënësit   E.K, 17 vjeçe , A.K, 17 vjeçe,  R.H, 17 vjeç dhe B.H, 17 vjeç po dërgohen në Spitalin Rajonal Berat për të marrë ndihmë mjekësore, ndërsa nxënësja  R.K, 18 vjeçe, po transportohet në Spitalin e Traumës në Tiranë për ndihmë më të specializuar. Janë lënduar lehtë  edhe 5 nxënës të tjerë të cilët ndodhen në Spitalin e Skraparit, për të marrë ndihmë mjekësore pa probleme për jetën.