Tre persona kanë humbur jetën në një aksident të rëndë të ndodhur në fshatin Adriatik të Kurbinit. Viktimat janë Simon Kaza 20 vjeç, Jul Maxhni 22 vjeç dhe Bert Marku 17 vjeç. Automjeti i tyre humbi kontrollin dhe ra nga ura duke përfunduar në kanal.
Sipas policisë, tre të rinjtë udhëtonin me një makinë tip Lancia me targa AA 389 MO. U desh disa minuta që trupat e pajetë të viktimave të nxirreshin nga automjeti. Shkaqet e ngjarjes janë të paqarta, ndërkohë që grupi hetimor vazhdon punën për zbardhjen e plotë të këtij aksidenti të rëndë.
