Një aksident i rëndë ka ndodhur mbrëmjen 15 janarit në Durrës, te Ura e Dajlanit. Rreth orës 22:15 një automjet tip BMË X5 ka dalë nga rruga dhe ka rënë nga ura. Si pasojë e aksidentit, pasagjerja 18-vjeçare Vikena Greku ka humbur jetën.
Mësohet se shoferi 26-vjeçar, Arbëri Xhaxhaj ka qenë i dehur dhe me shpejtësi 130 km/h. Sipas burimeve, i riu te Ura e Dajlanit ka ngatërruar rrugën, në vend të merrte korsinë e plazhit ka marrë atë të portit. Më pas i ka rënë trafik ndarëses dhe ka fluturuar sipër bordurës së urës duke përfunduar në një biznes lulesh aty poshtë.
Gjithashtu, edhe 2 këmbësorë mbetën të dëmtuar nga aksidenti, të cilët pasi morën ndihmë mjekësore në spital janë larguar dhe ndodhen jashtë rrezikut për jetën.
