Pas aksidentit me pasojë vdekjen e një 12-vjeçareje, një tjetër aksident ka ndodhur ditën e sotme në Elbasan.
Dy mjete janë përplasur mes tyre e për pasojë, njëra prej tyre është dëmtuar në pjesën më të madhe.
Paraprakisht raportohet se ambulanca ka marrë me urgjencë një femër, që dyshohet të ishte në drejtimin e makinës së vogël, e cila edhe është dëmtuar më së shumti.
Nuk dihet gjendja e saj shëndetësore dhe nëse po udhëtonte vetëm apo ishte e shoqëruar.
Automjeti tjetër që dyshohet të jetë përfshirë në këtë aksident është një autobot, i cili thuajse nuk ka pësuar asnjë dëmtim.
Ende janë të paqarta rrethanat e ngjarjes, ndërsa po punohet për të pasur një version zyrtar të asaj që ka ndodhur.
