Një aksident i rëndë ka ndodhur pak minuta më parë në afërsi të tunelit të Kalimashit.
Burimet bëjnë me dije se janë përplasur një autobot me dy makina, e si pasojë raportohet se kanë humbur jetën 2 persona.
Nga aksidenti kanë mbetër të plagosur edhe 3 persona të tjerë që po marrin mjekim në spital jashtë rrezikut për jetën.
Policia ndodhet në vendngjarje dhe po punon për sqarimin e plotë të rrethanave.
Si pasojë e aksidentit është bllokuar qarkullimi në njërin kah të aksit. Policia ndodhet në vendngjarje dhe po punon për sqarimin e plotë të rrethanave.
Njoftimi i policisë
Rreth orës 17:45, në tunelin e Kalimashit, janë përfshirë në një aksident rrugor automjetet tip “Benz” me drejtues shtetasin A. B., banues në Tropojë, automjeti tip “Ford”, ku udhëtonin shtetasit S. O., N. O., dhe I. L., banues në Kosovë, si dhe autoboti me drejtues shtetasin Sh. S., banues në Kosovë.
Nga aksidenti kanë humbur jetën dy shtetas, ndërsa 3 shtetasit e tjerët po marrin mjekim dhe ndodhen jashtë rrezikut për jetën.
Grupi hetimor po punon për përcaktimin e shkaqeve të aksidentit.
