Një aksident rrugor është regjistruar mesditën e kësaj të diele në Tiranë. Teksa po tenton të kalonte rrugën, një kalimtare grua është përplasur nga makina në zonën e Laprakës.
Gruaja e moshës rreth 53-vjeçe, është transportuar me urgjencë në drejtim të Spitalit të Traumës, ku mësohet se ndodhet në gjendje kritike për jetën. Policia ka shoqëruar drejtuesin e automjetit si dhe po punohet për zbardhjen e rrethanave të aksidentit.
Informacion paraprak.
Me datë 07.01.2018, rreth orës 14:00, në Sallën Operative ka ardhur një telefonatë se në rrugën “Dritan Hoxha”, ka një aksident.
Menjëherë në vendgjarje kanë mbëritur shërbimet e Policisë dhe Ambulanca, ku nga verifikimet paraprake rezulton se:
Në rrugën ” Dritan Hoxha”, mjeti me targë TR 7904 I, me drejtues R. K., ka aksidentuar këmbësoren H. B., 55 vjeç, e cila u transportua në spital dhe ndodhet jashtë rrezikut për jetën.
Grupi hetimor po kryen veprimet e mëtejshme për përcaktimin e shkakut të aksidenit.
Drejtuesi i mjetit është shoqëruar në Polici për veprime të mëtejshme.
