Policia e Elbasanit ka arrestuar dy persona për veprën penale, “Drejtimi i automjeteve në mënyrë të parregullt”.
Në pranga ka rënë Mario Dermyshi, 22 vjeç, banues në fshatin Zgjubë, Gramsh, pasi në aksin rrugor Cërrik-Gramsh, në fshatin Gostimë, duke drejtuar motoçikletën, është përplasur me mjetin tip “BMW”, me targa AA962EM, me drejtues B.N., 20 vjeç, banues në Tiranë.
Si pasojë e aksidentit është aksidentuar drejtuesi i motoçikletës Mario Dermyshi, i cili ndodhet në spitalin e Elbasanit, jashtë rrezikut për jetën.
Është arrestuar gjithashtu edhe Theudhor Ç, 18 vjeç, banues në lagjen “Dyle Haxhire”, Elbasan. Pasi në bulevardin “Qemal Stafa”, Elbasan, ky shtetas u kap nga shërbimet e Policisë Rrugore duke drejtuar pa leje drejtimi motoçikletën.
