Një aksident ka ndodhur mesditën e sotme në rrugën e Strikçanit, pranë Shupenzës. Sipas informacioneve paraprake, drejtuesi i mjetit ka humbur kontrollin dhe, si pasojë, makina ka rënë nga një urë dy metra e lartë, duke përfunduar në lumë.
Për fat të mirë, kalimtarët kanë reaguar shpejt dhe kanë ofruar ndihmën e parë për shoferin dhe djalin e tij, të cilët ishin të paidentifikuar. Të dy janë transportuar në spitalin e Bulqizës dhe, sipas burimeve spitalore, janë jashtë rrezikut për jetën. Autoritetet po hetojnë për shkaqet e aksidentit dhe janë duke siguruar vendngjarjen.
