Një aksident i rëndë është regjistruar rpasditen e sotme reth orës 16:45 në aksin rrugor “Belsh-Kuçovë”. Bëhet me dije nga burimet për media se një makinë ka dalë nga rruga dhe më pas është përfshirë nga flakët.
Për shkak të aksidentit janë plagosur 4 pjesëtarë të një familjeje, mes tyre dhe vajzat binjake 8-vjeçe.
Katër të plagosurit e familjes Metaj u transportuan drejt Spitalit Rajonal Berat dhe menjëherë janë futur në sallën e operacionit.
Burimet bëjnë me dije se ata kanë pësuar plagë të shumta në kokë dhe se në gjendje më të rënduar janë nëna dhe 1 nga vajzat binjake.
Të plagosurit po mbahen nën monitorim ndërkohë po u bëhen ekzaminimet e nevojshme.
