Një aksident i rëndë raportohet të ketë ndodhur në autostradë, në zonën e njohur si ‘mbikalimi i Shkozetit”.
Sipas informacioneve paraprake, mësohet se një person ka ndërruar jetën si pasojë e përplasjes nga një automjet.
Korrespondenti i Panorama raporton se viktima është një këmbësor, i cili është aksidentuar nga një automjet në lëvizje.
Ende nuk behet i ditur identiteti i tij, por policia është në vendngjarje për të zbardhur rrethanat e këtij aksidenti.
Mësohet se për këtë ngjarje është shoqëruar në komisariat drejtuesi i automjetit, i cili është një 37 vjeçar.
Durrës/Informacion Paraprak
Më datë 22.11.2019, ora 17:40, në autostradën Tiranë-Durrës, mjeti tip “Fiat”, me drejtues shtetasin Sh.Sh.,37 vjeç, ka aksidentuar një shtetas këmbësor, akoma të pa identifikuar, i cili ka ndërruar jetë.
Grupi hetimor po punon për zbardhjen e shkakut të aksidentit.
Drejtuesi i mjetit është shoqëruar në ambjentet e Policisë për veprime të mëtejshme .
