Një aksident është regjistruar mbrëmjen e sotme në aksin Vlorë-Fier. Ngjarja ka ndodhur rreth orës 18:20 ku mjeti tip ‘Benz’ është përplasur në një karburant.
Sipas policisë drejtuesi i mjetit ka humbur kontrollin dhe është përplasur me depozitën që furnizon me naftë. Report Tv sjell pamje nga vendi i ngjarjes ku duken dëmet e mëdha që i janë shkaktuar makinës.
Si rrjedhojë e aksidentit kanë mbetur të plagosur shoferi i mjetit, i identifikuar me inicialet F. Xh., dhe pasagjeri, shtetasi G. B. Dy të plagosurit janë dërguar në spital dhe ndodhen jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
