Një aksident me pasojë vdekjen ka ndodhur në orët e para të mëngjesit të sotëm te rrethrrotullimi i Saukut në Tiranë.
Nga aksidenti ka humbur jetën 28-vjeçari Ervin Preçi, banues në Tiranë, ndërsa të plagosur rëndë kanë mbetur dhe dy persona të tjerë, drejtuesi i automjetit dhe një femër, L. D dhe pasagjerja, D. Xh. vjeçe 23 banuese në Tiranë. Tre të rinjtë kanë qenë duke udhëtuar me një automjet tip “Benz” i cili ka dalë nga rruga. Shkak i aksidentit dyshohet të ketë qenë shpejtësia tej normave të lejuara.
Policia nuk ka dhënë informacione për ngjarjen edhe pse kemi të bëjmë me një aksident me pasoja fatale në jetë njerëzore.
Njoftimi i shpërndarë nga policia:
Shtetasi L. D. vjeç 28, banues në Tiranë, duke drejtuar mjetin tip “Benz”, ka dalë jashtë rruge ku për pasojë janë dëmtuar drejtuesi i mjetit, shtetasi L. D. dhe pasagjerja, shtetasia D. Xh. vjeçe 23 banuese në Tiranë, të cilët ndodhen në spital, nën kujdesin e mjekëve, ndërsa pasagjeri tjetër shtetasi E. P., vjeç 28, banues në Tiranë, ka ndërruar jetë.
