jë aksident rrugor është regjistruar pak minuta më parë në aksin Fier–Levan, pranë zonës së njohur si “Qafa e Koshovicës”.
Sipas informacioneve paraprake, dy automjete janë përplasur me forcë me njëra-tjetrën, ndërsa për pasojë kanë mbetur të plagosur dy drejtuesit e mjeteve.
Të lënduarit janë transportuar me urgjencë drejt Spitalit Rajonal të Fierit, ku po marrin ndihmën e nevojshme mjekësore.
Menjëherë pas ngjarjes, në vendin e aksidentit kanë mbërritur shërbimet e policisë dhe grupi hetimor, të cilët po punojnë për zbardhjen e shkaqeve të përplasjes dhe normalizimin e qarkullimit në këtë segment rrugor.
Aksi Fier–Levan konsiderohet një nga segmentet problematike për aksidentet rrugore, sidomos gjatë sezonit veror, kur rritet ndjeshëm fluksi i automjeteve.
