Një aksident i rënë ka ndodhur mëngjesin e sotëm në rrugën Korçë-Maliq në afërsi të kryqëzimit të Lubonikut. I plagosur ka mbetur drejtuesi i mjetit i cili është dërguar menjëherë në spital.
Siç shihet dhe nga foto, mjeti ka dalë fillimisht nga rruga dhe ka bërë disa rrotullime, duke u rikthyer sërish në rrugë por i përmbysur.
Policia dhe grupi i hetimit kanë shkuar në vendngjarje dhe po punojnë për zbardhjen e shkaqeve të saj. Paraprakisht dyshohet se shkak i aksidentit ka qenë lagështia në rrugë.
