Një aksident me pasojë plagosjen e dy personave ka ndodhur në orët e para të mëngjesit të sotëm në aksin e rrugës kombëtare Peqin-Elbasan. Nga të dhënat e para raportohet se ata u goditën nga një automjet që dyshohet se qarkullonte me shpejtësi tej normave të lejuara.
Të aksidentuarit u transportuan me urgjente drejt spitalit Kirugjik , ndërkohë që konfirmohet se njëri prej tyre është në gjendje të rëndë.
Aksidenti sipas burimeve zyrtare ka ndodhur në qendër të fshatit Pajovë. Në aksident janë përfshirë një burrë dhe një grua dhe kjo e fundit ka pësuar fraktura të shumta.
Të aksidentuarit kanë qenë në anë të rrugës dhe nuk janë të qarta rrethanat e përfshirjes së tyre në këtë aksident dhe po hetohet nga policia.
