Një aksident ka ndodhur në aksin rrugor Elbasan-Peqin, ku një çift bashkëshortësh kanë ngelur të plagosur.
Ngjarja ndodhi në fshatin Broshkë të Elbasanit. Burime zyrtare nga policia bënë me dije se shtetasi me inicialet K.H., 31 vjeç ka humbur kontrollin e mjetit tip “Ford”, me targa AA 567 TU dhe është përplasur me murin e një lokali në anë të rrugës. Të lënduar mbetën shtetasit S.H., 33 vjeç banues në fshatin Bishqem, si dhe bashkëshortja e tij, shtetasja F. H.,39 vjeçe.
Informacion Paraprak
Në aksin rrugor Elbasan-Peqin, në fshatin Broshkë, Elbasan, shtetasi K.H, 31vjeç, banues në fshatin Bishqem, Peqin, duke drejtuar mjeti tip “Ford”, me targa AA 567 TU, ka humbur kontrollin e mjetit dhe është përplasur me murin e një lokali që ishte në anë të rrugës.
Si pasojë e këtij aksidentit janë aksidentuar shtetasit S.H., 33 vjeç banues në fshatin Bishqem, si dhe bashkëshortja e tij shtetasja F. H.,39 vjeçe, të cilët ndodhen në spitalin e Elbasanit, nën kujdesin e mjekëve, jashtë rrezikut për jetën. Grupi hetimor ndodhet në vendngjarje dhe po punon për zbardhjen e shkakut të aksidentit.
