“AI ËSHTË PALLATEXHI”/ Rama akuza bashkisë Kavajë: I ndërton në rërë dhe…

Gjatë vizitës së tij në shkollën profesionale me profil bujqësor në Golem, kryeministri Rama ka lëshuar kritika në drejtim të kryebashkiakut demokrat, Isa Sakja që administron Bashkinë e Kavajës.
Kreu i ekzekutivit e ka quajtur Sakja-n një kryebashkiak pallatexhi që vetëm leje për pallate mbi rërë di të japë dhe se nuk ka ndërmend të bëjë as konvikte e as shkolla.
“Ai është pallatexhi. Të bëhet një projekt për konviktet dhe bëjmë konviktin si pjesë e shkollës dhe t’ia lëmë shkollës, ose të gjejmë një formë administrimi se Bashkia këtu nuk ka ndërmend të bëjë as konvikte as shkolla. Bashkia këtu ndërton pallate në rërë, akoma sot e gjithë ditën dhe s’kanë faj përderisa sot akoma s’ka ardhur dora e prokurorisë. Ndërkohë bëni projektin ose në qoftë se e keni çuar në Bashki ta merrni mbrapsht. Ta bashkojmë shkollën me konviktin dhe të gjithë këtë ta bëjmë si kampus për nxënësit”, tha Rama.