Ministri i Financave, Arben Ahmetaj ka reaguar lidhur me akuzat e kreut të opozitës, Lulzim Basha për ndërtimin e tre inseneratorëve, duke kujtuar se ata janë të certifikuar ndërkombëtarisht.
Në një reagim për mediat, Ahmetaj i ka kujtuar Bashës se inceneratorët, në fund të kontratave koncensionare, do t’u ngelen bashkive të qyteteve.
“Me baltën e shpifjeve, na deklaron sot se po shkatërrohet Shqipëria dhe shëndeti i njerëzve, me 3 projekte të certifikuara ndërkombëtarisht. Brenda 7 vitesh, Bashkia e Elbasanit dhe e Fierit do jenë bërë pronare të dy inceneratorëve, për një kosto totale investimi dhe shërbimi prej 54 milionë euro me TVSH (dhe procedurën e pagesave për blerjen e agregateve në Fier e ka certifikuar edhe vetë Kontrolli Larte i Shtetit), ndërkohë që Elbasani ka shpëtuar, e Fieri do të shpëtojë prej helmeve të plehrave që qeveria e vjetër e Lulzimit i la të digjen rrugëve. Konkretizimit dhe hëpërhë nuk mund të thuhet që është e sigurt se do te zbatohet, por e sigurtë është që në seancën e kësaj jave në Kuvend, Lulzim Bashën e pres me kënaqësi në një përballje shifrash, faktesh dhe provash”, deklaroi Ahmetaj.
Ministri i Financave i ka kërkuar kreut të opozitës, Basha, të shpjegojë kontratat për lobim me kompanitë amerikane gjatë zgjedhjeve parlamentare që lamë pas.
“Ndërkohë që gjuan në ajër një shifër kolosale të përafërt me atë për të cilën i iku Prokurorisë nga duart me raport mjekësor, Lulzim Basha nuk e fsheh dot mesa duket shqetësimin në rritje për faktin se zullumi i 1 milion dollarëve mund të mbyllet, mbase në Shqipëri, me një tjetër raport mjekësor, po zor se do mbyllet andej nga ana tjetër e oqeanit, ku nuk t’i fal njeri lojërat kukafshehthi me paranë”, shprehet ministri i Financave.