“Viti 2017 u mbyll me rritjen ekonomike prej 3.84%, ndërsa punësimi është prioriteti i mandatit të dytë të kësaj qeverie”. Keshtu ka deklaruar sot gjate fjales se tij ne mbledhjen e Asamblesë së PS-se, ministri i Financave dhe Ekonomisë Arben Ahmetaj.
Ai ka theksuar se po veprohet me politika fiskale shume te kujdesshme, duke deklaruar prere se ky viti i dytë që qeveria nuk mbledh borxh të ri.
“Shqipëria ka lënë pas skenarin e mundshëm grek të lënë qëllimisht në vitin 2013. Ekonomia pritet të ndjekë një trajektore rritjeje të qëndrueshme. Kontributin kryesor në rritje vijon ta ketë konsumi, investimet private vendase e të huaja. Konsumi u rrit 3.14 %, e cila është rritja më e madhe në vite. Viti 2017 u mbyll me rritjen ekonomike 3.84%. Punësimi është kryefjala e mandatit të dytë”- tha Ahmetaj.
Ministri theksoi se “Në 4 vitet e para u krijuan mbi 200 mijë vende pune. Në vend janë deklaruar mbi 11 mijë vende të lira pune. Viti 2017 u mbyll me 3.84% rritje ekonomike. Përsa i përket biznesit, nuk do të ketë rritje të taksave, është një masë anti-informalitet”.
Ministri deklaroi se rritja punësimit largoi vendin nga varfëria. Ai kujtoi se në vitin 2013 varfëria ishte 37,7%.
“Sistemi fiskal po redukton pabarazinë. Politikat fiskale janë të kujdesshme dhe është viti i dytë që qeveria nuk mbledh borxh të ri. Politikat fiskale po ndihmojnë rritjen ekonomike”- tha ai.
