Gjykata e Posaçme për Korrupsionin dhe Krimin e Organizuar (GJKKO) ka marrë vendimin për Lefter Kokën, Alqi Bllakon dhe 13 të pandehurit e tjerë.
Ish-ministri i Mjedisit, Lefter Koka, është dënuar me 10 vite burg nga GJKKO për aferën e inceneratorit të Fierit, por me gjykim të shkurtuar do të vuajë 6.8 vite burg.Ndërkohë ish-deputeti i PS-së, Alqi Bllako, Ish sekretari i Përgjithshëm në Ministrinë e Mjedisit, është dënuar me 4 vite burg, por me gjykim të shkurtuar do të vuajë 2.8 vite burg.
Të pafajshëm janë shpallur Albert Dervishi, Arjola Kodra dhe Juri Imeraj.
Klodian Zoto, administrator i kompanisë koncensionare, është dënuar me 11 vite burg, por me gjykim të shkurtuar do të dënohet me 8 vite burg.
Pellumb Abeshi, ish-zyrtari i ministrisë së Mjedisit, është dënuar me 3.6 vite burg, por me gjykim të shkurtuar do të vuajë 2.4 burg,
Erjon Murataj, anëtar i komisionit të dhënies së koncesionit, dënohet me 3 vite burg, përfundimisht do të vuajë 2 vite burg.
Sabina Cenameri, anëtare e komisionit të dhënies së koncesionit është dënuar me me 3 vite burg, por nga gjykimi shkurtuar do të vuajë 2 vite burg.
