Kryedemokrati Lulzim Basha ka dalë në një konferencë për mediat sëbashku me anëtarët demokratë të Komisionit Hetimor për Inceneratorët.
Sipas tij, kjo vjen era vjedhje. Basha deklaron se të gjitha këto procedura nuk kanë mundësi të jenë bërë pa dijeninë dhe miratimin e kryeministrit Edi Rama.
“Në një takim me punëdhënës, mu kujtua gjatë bashkëbisedimit, një kompani private, hap tender, merr 3 oferta përpara se të vendosë fituesin. Por edhe një kryefamiljar, përpara se të vendosë ku të blejë tulla dhe llaçin shikon 2-3 vende se kush i ka më lirë. Dhe një amvisë në shtëpi, sheh dy tre dyqane për të blerë tenxchere për të parë se ku janë më lirë. Këta me oparatë tuaja brenda një dite kanë bërë 17 akte shtetërore. Që për t’i dhënë një letër zyrtare të vërdallisin nja një javë; Këta për një ditë kanë bërë 17 akte zyrtaere. Kanë hapur ofertën, përcaktuan fituesin dhe bënë gati paratë.
Dhanë 23 mln euro paradhënie vetëm me një ofertues, me zero përvojë. Tani e shohim njëri-tjetrin përmes ekranit dhe e dëgjojmë dhe tashmë ekrani nuk ofron mundësinë e nuhatjes. Kur dëgjoni këtë fakte, çfarë ere ju vjen, çfarë ere e qelbur ju vjen. Për një copë letër ju vërdallisin, për një ditë kalojnë 17 akte zyrtare pa një garanci. Shpallin fituesin brenda një dite kur ësghtë bërë oferta. Japin 23 mln euro nga paratë tuaja” – tha Basha.
