Duke u ndalur te situata brenda PD-së, Nishani tha se duhet të afrohen njerëzit me eksperiencë dhe gjenerata e re, por kishte një mesazh të qartë për kritikët e Lulzim Bashës duke u treguar derën nëse mendojnë se vlejnë. Emisioni “Pa Protokoll” do të transmetohet cdo të premte në orën 20:55.
Unë mendoj që PD-ja dhe jo vetëm, duke thithur brenda saj mendimin, prezencën, fizionominë e atij grupi që ka edhe kapacitete intelektuale. PD-ja ka nevojë për këtë grupim, edhe për ata që kanë shërbyer, eksperiencën e tyre. Ka nevojë edhe për gjeneratën e re” tha ai.
Por a e aspiron Bujar Nishani postin e kryetarit të PD-së? “Nuk kam asnjë arsye ta aspiroj. Për faktin se PD-ja e ka të zgjedhur kryetarin, është në fazën finale të aksionit të saj për të realizuar rrotacionin e pushtetit. Kam aksionet e mia në politikë jo vetëm brenda PD-së por në politikën institucionale. Politika është profesion dhe unë nuk kam profesion tjetër”. Por a do ta shohim ish-Presidentin në Kuvend? “Ajo varet nga disa rrethana dhe arsye se disa pritet që të ndodhin“.
Në fund ai ka folur edhe për marrëdhënien me Sali Berishën. “Marrëdhëniet njerëzore janë nga më të mirat e mundshme. Është një nga figurat kryesore të politikës. Do ta gjykojë historia e Shqipërisë, por në gjykimin tim është personalitet, që i ka dhënë një vend të rëndësishëm vetes së tij” përfundoi ai.
