Nesër në orën 11:00 do të mbahet seanca e masës së sigurisë tek Krimet e Rënda për gjyqtarin e ndaluar të Apelit Shkëlqim Miri. Gjyqtarja që do të shqyrtojë dosjen e Mirit është Daniela Shirka. Gjyqtari Miri akuzohet për “Korrupsion pasiv”.
Prokurori i çështjes është Ardian Braho. Kurse Ardian Visha është avokati mbrojtës i Gjyqtarit Miri. Prokuroria ka kërkuar, masën arrest me burg për këtë çështje.
Ngjarja
Gjyqtari Shkëlqim Miri pas verifikimeve të bëra nga policia në banesën e tij ku i janë gjetur 300 milion lekë, është ndaluar dje nga policia e shtetit. Me kërkesë të Prokurorisë së Krimeve të Rënda u ushtrua kontroll në banesë dhe iu gjetën rreth 300 milionë lekë të vjetra. Dyshohet se gjyqtari Miri ka ndryshuar akuzën nga vrasje në plagosje të rëndë.
Ndalimi i gjyqtarit momentalisht është për akuzën e korrupsionit. Momentalisht Shkëlqim Miri ndodhet në rajonin e policisë. Nën hetim janë edhe familjarët por ende nuk ka një masë për ta.
Mësohet se Prokuroria e Përgjithshme ka nisur një hetim prej gati një viti ndaj Mirit, ndërsa gjatë kontrollit atij i janë gjetur në banesë një shumë prej 20 mijë eurosh, që dyshohet të jenë marrë në këmbim për të ndryshuar kualifikimin e një vrasjeje të ndodhur në Burrel, në vitin 1997. Por po kështu gjytari ka thënë se një pjesë e parave janë të kushëririt të tij. /AlpeNews.al/
