“Unë kam nderin dhe privilegjin e rrallë të kemë qenë autor dhe promotor i Rrugës së Kombit”.
Kështu është shprehur kryetari i Partisë Demokratike, Lulzim Basha, gjatë një takimi me kryetarin e Komunës së Mitrovicës në Kosovë, ku ai ndodhet për një vizitë dyditore.
Nuk dihet nga buron kjo deklaratë e z. Basha, pasi e vërteta është krejt ndryshe.
Sipas të dhënave, Banka Botërore bëri studimin në vitin 2003, kur Lulzim Basha nuk njihej si figurë publike dhe nuk kishte ndonjë rol në PD.
Pra nuk mund të ndikonte në politikat e saj.
Por vetë projekti është përfolur herët në politikën shqiptare.
Në kohën e qeverisjes “Majko” u mbajt edhe një takes, që nuk dihet se ku shkoi.
Për më tepër, që është Sali Berisha, ai që deklarohet si autori dhe promotori i “Rrugës së Kombit”.
Dhe rruga u ndërtua kur ishte ai kryeministër, edhe pse me një kosto jashtëzakonisht të lartë, pasojat e së cilit i vuajmë ende sot e kësaj dite, duke qenë se rruga nuk është përfunduar ende plotësisht.
Po, Lulzim Basha ishte ministër i Transportit në atë kohë, por vendimet i merrte Berisha.
Basha do të mbahet mend, vetëm që vodhi nja 200 milionë euro me atë rrugë.
Por, për një njeri që të gënjen edhe për orën, siç ka deklaruar Ilir Meta, një gënjeshtër e tillë shihet e padëmshme madje edhe nga vetë Sali Berisha, që në këtë rast është mohuar nga Basha.
Ai në këtë rast është duke bërë fushatë nëpër Kosovë, se mendon se do zgjidhet kryeministër.
Vetëm ajo që nuk e di, është fakti që nuk do votohet nga shqiptarët e Kosovës, por nga ata të Shqipërisë.(TemA)
