Detaje të reja zbardhen nga krimi në Elbasan, ku u ekzekutua me armë zjarri 39-vjeçari Emiljano Ramazani. Mësohet se 39-vjeçari ishte me precedentë të mëparshëm penalë.
Ramazani ishte arrestuar nga policia në vitin 2017, pasi ishte kapur me 10 doza kokaine dhe një shumë parash, që dyshohet se vinte nga aktiviteti kriminal.
policia po heton për ndonjë konflikt të ditëve të fundit të viktimës, vrasja e të cilit ka alarmuar qytetarët e Elbasanit, pasi ka ndodhur në një zonë shumë të populluar.
39-vjeçari është qëlluar me breshëri plumbash brenda makinës, nga një mjet tjetër në lëvizje, ndërsa aktualisht policia ka shoqëruar shumë persona, si dhe po sekuestron një numër të madh kamerash sigurie, që do të ndihmojnë në zbardhjen e krimit.
