Kardiologët në rajonin Italian të Lombardisë që luftuan ne vijën e parë të frontit kundër Covid kanë ngritur alarmin teksa kanë deklaruar se Covid ka shkaktuar shumë sulme kardiake dhe vdekje prej zemrës. Edhe ata pacientë që kanë mundur të jenë gjallë kanë rikuperim shëndetësor shumë të ngadaltë.
Të intervistuar nga ‘AdnKronos’, mjekët shpjeguan se si virusi ishte në gjendje të provokonte, efektet shkatërruese në zemrën e pacientëve të infektuar, duke shkaktuar sulme në zemër dhe dëme serioze kardiovaskulare.
Profesori Claudio Cuccia, drejtori i departamentit kardiovaskular të spitalit të Brescia-s, efektet e Covid janë akoma të pranishme edhe sot, me pacientë që hyjnë në dhomat e urgjencës me dhimbje të forta në gjoks, të nisura që prej muajve mars, prill dhe maj. Njerëzit të cilët “duke mos qenë në gjendje të kujdesen menjëherë, sot vijnë me një mosfunksionim kardiak shumë të rfortë por edhe të vonë”.
Informacioni dhe të dhënat e mbledhura kanë vërtetuar se që nga 21 shkurti deri më 7 maj 2020 më shumë se 950 persona përfunduan në spital për shkak të një sindromi akut koronar.
Luigi Oltrona Visconti nga ‘Policlinico San Matteo’ e Pavisë tha për ‘AdnKronos’ se “Flitet për 32% të vdekshmërisë prej sulmeve në zemër.
Tani që kriza shëndetësore qëndron pas nesh, mjekët po mendojnë për të ardhmen. Frika, në të vërtetë, është se Covid ka shkaktuar aq shumë dëme te njerëzit e prekur dhe se ato mund të përsëriten por kësaj here me rezultate që mund të ishin fatake për jetën e tyre
