Presidenti i Kosovës Hashim Thaçi do të intervistohet sot nga Zyra e Prokurorisë Speciale në Hagë. Ai për tri ditë rresht është intervistuar nga 6 orë, teksa të martën dhe të mërkurën nuk u prononcua për media.
Kujtojmë se Thaçi është paraqitur në Hagë me ftesë të Prokurorit të Specializuar. Zyra e Prokurorit të Specializuar ka njoftuar muajin e kaluar se më 24 prill ka propozuar një aktakuzë për krime lufte dhe krime kundër njerëzimit kundër presidentit Thaçi, kryetarit të Partisë Demokratike të Kosovës, Kadri Veseli, dhe disa të tjerëve, emrat e të cilëve nuk janë bërë publikë.
Thaçi është shprehur për mediat se do të japë dorëheqje nga posti i presidentit, nëse aktakuza kundër tij konfirmohet.
