Kryetari i Bashkisë së Pukës Gjon Gjonaj i ka shprehur ngushëllime familjes për vdekjen e mjekut Hysni Shkjau, i cili prej ditësh luftonte me virusin në spitalin Infektiv, ndërkohë që vuante edhe nga disa sëmundje të tjera bashkëshoqëruese.
Gjonaj shkruan se ndarja nga jeta e dr Hysni Shkjaut “është një dhimbje e madhe për të gjithë komunitetin pukjan, për familjen, për kolegët e tij në Shërbimin Spitalor të Pukës”.
Më tej ai thekson se virusi ka marrë një prej njerëzve që gjithë jetën ia kushtoi luftës për mbrojtjen e shëndetit. “Sot beteja me këtë virus të tmerrshem na mori njërin prej kontributorve, atë që çdo ditë të jetës në profesionin e tij ia kushtoj luftës për mbrojtjen e shëndetit të komunitetit pukjanë, ndaj i apeloj çdo qytetari pukjan të tregojë kujdes maksimal dhe respektim të masave mbrojtëse”, thekson ai ndërsa i shpreh ngushëllime familje “Si kryetar i bashkisë Pukë në emer të të gjithë komunitetit pukjanë i shpreh ngushëllime të sinqerta bashkëshortes, djalit, vajzave, të gjithë të afërmve dhe kolegëve”.
Shkruan Bashkia Pukë: MESAZH NGUSHËLLIMI PËR NDARJEN NGA JETA TË Dr.HYSNI SHKJAUT
Si pasoje e COVID-19 humbem një mjek, i cili i shërbeu komunitit pukjanë për më shumë se 40 vite duke shpëtuar qindra jetë njerëzore në rrezik e duke lehtësuar dhimbjet për mijëra të tjerë.
Ndarja nga jeta e dr. Hysni Shkjaut është një dhimbje e madhe për të gjithë komunitetin pukjanë, për familjen, për kolegët e tij në Shërbimin Spitalor të Pukës dhe më gjër.
Si kryetar i bashkisë Pukë në emer të të gjithë komunitetit pukjanë i shpreh ngushëllime të sinqerta bashkëshortes, djalit, vajzave, të gjithë të afërmve dhe kolegëve.
Sot beteja me këtë virus të tmerrshem na mori njerin prej kontributorve, atë që çdo ditë të jetës në profesionin e tij ja kushtoj luftës për mbrojtjen e shëndetit të komunitetit pukjanë, ndaj i apeloj çdo qytetari pukjanë të tregoj kujdes maksimal dhe respektim të masave mbrojtëse.
U prehsh në paqe doktor Hysniu!
Zoti i dhënt forcë dhe kurajo familjes dhe të afërmve!
Gjon GJONAJ
Kryetat i bashkisë Pukë
