Pas katër raste pozitive që raportoi ministria e Shëndetësisë një ditë më parë, sot në Krujë rezultojnë 13 persona të tjerë të infektuar me koronavirus, në Krujë e Fushë Krujë.
Gjatë orëve të fundit në Krujë janë marrë dhjetëra tamponë për të kryer analizat dhe 13 prej tyre kanë rezultuar pozitivë.
Të gjithë të infektuarit janë kontakte të të infektuarve të mëparshëm punonjë në fasoneri.
Mësohet se gjendja e tyre shëndetësore është e mirë për momentin dhe se asnjë prej tyre nuk ka simptoma të rënda.
Ndërkohë dje, nga 368 testime për të dyshuar të prekur me Covid19, u konfirmuan 82 raste pozitive.
Ministria e Shëndetësisë dhe Mbrojtjes Sociale i bën thirrje qytetarët të mos e ulin vigjilencën dhe të jenë të kujdesshëm në zbatimin e masave të vendosura.
