Arjan Curri, që ftohet si analist çdo të premte nga Arian Çani, është përplasur dje me ish-deputetin e PD Agron Shehaj.
Ky i fundit ishte i ftuar te ‘Zonë e Lirë’ me Çanin për të folur për hapjen e PD.
Ndërkaq, Curri e nisi debatin duke marrë si shembull vendosjen e vetë Agron Shehajt si i pari i Vlorës në listën e kandidatëve të Bashës për zgjedhjet e vitit 2017.
Curri tha se Basha as që e njihte Shehajn e madje i ngatërroi edhe gjyshin, duke e prezantuar si nipin e Sulo Shehut.
“Në 2017, në 25 qershor nëse nuk ngatërrohem, Basha bëri një fjalim elektoral dhe prezantoi Shehajn si të parin e Vlorës. Bëri një gabim aty se e quajti nipin e Sulo Shehut.
Basha e njihte fare pak, kjo tregon që simpatia e tij për ju nuk e di nga se vinte. Si mund ta bësh një njeri që e njeh pak të parin e Vlorës?
Zakonisht të parët e listave o bëhen për kontribute të mëdha, ose bëhen si pinjoll të familjeve”, tha Curi.
Ndërsa Shehaj komentoi se pikërisht kjo dëshmon faktin që PD është parti e hapur dhe pavarësisht mungesës së miqësisë me kryetarin e partisë, mund të bëhesh pjesë e listës.
“Nuk kishim miqësi, nuk më njihte”, iu përgjigj Shehaj mirëpo Curri e vazhdoi debatin duke thënë Shehaj nuk vinte nga ndonjë familje artistokrate apo nga ndonjë familje e madhe
“Unë kam qenë si nga nëna dhe nga babai, ndër familjet më të pasura. Njerëzit e mëdhenj afrojnë njerëz të tjerë, edhe pa i njohur. Ku e di ti sa ka qenë i pasur gjyshi im?”, iu kthye Shehaj.
