Kryetar i Këshillit Kombëtar në PD, Bujar Nishani ka folur lidhur me zhvillimet e ndodhura së fundmi në PD.
Nishani theksoi se Basha është shprehur i gatshëm për të bashkëpunuar me këdo që e ndjen veten afër PD.
Teksa është pyetur për një largim të mundshëm të Bashës, nëse Partia Demokratike humb zgjedhjet, Nishani tha se është herët për të folur, por sipas tij akti i dorëheqjes është vullnetar.
“Askush nuk është i pazëvendësueshëm. Dorëheqja është një akt vullnetar.
Ne nuk e kemi të sanksionuar në statut. Nëse ne do të fokusohemi se kush do të jetë fati politik i secilit prej anëtarëve të koalicionit pas zgjedhjeve ne kemi deformuar platformën tonë.
Që këtu dhe te ky nis krijimi i raportit të besimit”, tha Nishani në emisionin “Pa Protokoll”.
