Presidenti Ilir Meta ka shpërndarë pak më parë në profiline tij një video duke kënduar iso-polifoni, me këngëtarët Dule Malindi e Ylli Baka.
“Iso-Polifonia e Toskërisë është një nga kryeveprat dhe pasuritë më të mëdha kulturore e shpirtërore të kombit shqiptar! Aq më tepër së bashku me Ylli Bakën e Dule Malindin”, shkruan Meta dhe ndan videon e mëposhtme.
Ndërkohë, më herët gjatë ditës së sotme Presidenti Meta ka qenë në Skrapar ku ka nderuar me Dekoratën e lartë “Nderi i Kombit”, një personalitet të shquar të artit e këngës popullore shqiptare, përfaqësues të denjë të polifonisë me iso të Toskërisë, Demir Zykon.
Gjithashtu, Meta ka vlerësuar me Titullin “Mjeshtër i Madh” Dule Malindin, një këngëtar dhe vijues i çmuar i traditës më të mirë të isopolifonisë të Toskërisë.
Iso-Polifonia e Toskërisë është një nga kryeveprat dhe pasuritë më të mëdha kulturore e shpirtërore të kombit shqiptar! Aq më tepër së bashku me Ylli Bakën e Dule Malindin! 🇦🇱
Gepostet von Ilir Meta am Donnerstag, 25. Juni 2020
