Eurodeputetët paralajmëruan të hënën se mungesa e partive politike pro-evropiane në bllokun e opozitës në parlamentin e ri serb nuk duhet të minojë aspiratat evropiane të Serbisë.
Një pjesë e deputetëve i bën thirrje Këshillit të mos lejojë hapjen e kapitujve të rinj të negociatave deri sa të eleminohen mangësitë demokratike,.
Deputetja sllovene Tanja Fajon dhe deputeti sllovak Vladimir Bilcik, të cilët ndihmuan në dialogun ndërpartiak për përmirësimin e kushteve elektorale në Serbi në emër të Parlamentit Evropian, lëshuan një deklaratë të përbashkët pasi Partia Progresive Serbe (SNS) e Aleksandar Vuccicc fitoi 61 pwrqind në zgjedhjet parlamentare të së dielës.
Nga ana tjetwr, shumica e partive të opozitës bojkotuan zgjedhjet dhe ata që morën pjesë nuk arritën të kapërcejnë pragun e zgjedhjeve.
“Mungesa e partive parlamentare pro-evropiane në bllokun e opozitës nuk duhet të minojë vendosmërinë pro-evropiane të Serbisë dhe aspiratat e saj për t’u anëtarësuar në Bashkimin Evropian,” thanë Fajon dhe Bilcic në një deklaratë të përbashkët.
Ata vlerësojnë bojkotin e disa partive opozitare dhe theksojnë se “pjesëmarrja e ulët e votuesve, më e ulta që nga viti 2000 dhe një ndryshim dramatik në peizazhin politik brenda parlamentit të ri, i cili ka një shumicë prej dy të tretave në një listë politike, do të jetë një sfidë e madhe për qeverinë e ardhshme serbe”.
Deputeti i shokuar nga tweet-i i Oliver Varhely
Një deklaratë shumë më e mprehtë u lëshua nga grupi parlamentar i S&D, duke u bërë thirrje vendeve anëtare të BE që të mos “hapin kapituj të rinj në procesin e negociatave me Serbinë përpara se të vendoset demokracia e mjaftueshme në vend”.
“Këshilli nuk duhet të hapë kapituj të rinj me Serbinë para se të zgjidhen problemet madhore me demokracinë. Në minimum, liria e mediave dhe një parlament i larmishëm, në të cilin përfaqësohet opozita, janë të nevojshme”, tha socialdemokratja hollandeze Kati Piri.
Ajo shtoi se ishte “shokuar” nga tweet-i i Komisionerit të Zgjerimit Oliver Varhelyi, i cili nuk përmendi asnjë nga këto probleme të dielën në mbrëmje, si dhe kërkesën e opozitës për zgjedhjet të shtyheshin deri më vonë.
“Një ditë e rëndësishme për Serbinë me zgjedhjet parlamentare dhe lokale. Mezi pres të punoj me qeverinë e re për reformat e lidhura me BE. Unë jam i vendosur të ndihmoj Serbinë të bëjë përparim të shpejtë drejt BE dhe të mbështesë rimëkëmbjen ekonomike nga kriza e COVID-19”, tha në tweet-in e tij Komisioneri Varhelyi.
Një deklaratë nga Social Demokratët përfshinte gjithashtu një deklaratë të deputetit kroat Tonin Picula, i cili është zëdhënësi i S&D në Komitetin e Politikës së Jashtme të Parlamentit Evropian.
Picula thekson se parlamentarët evropianë “kurrë nuk janë në favor të një bojkoti dhe besojnë se debati politik duhet të zhvillohet në parlament”.
“Sidoqoftë, me këtë bojkot të partive kryesore të opozitës dhe dështimin e ndonjë partie opozitare për të hyrë në parlament megjithë uljen e pragut zgjedhor në vetëm 3 përqind, parlamenti serb ka humbur rolin e tij si legjislaturë që përfaqëson tërë shoqërinë serbe”, shtoi Picula.
Picula: PPE mbron Vuçiç
Picula kritikon gjithashtu PPE-në, “e cila me vite po e mbron Aleksandar Vuçiçin, ndërsa ai po e shndërron vendin në një autokraci”.
Tweet-i i fundit i presidentit të Partisë Popullore Evropiane, Donald Tusk, i publikuar pas bisedës së tij me Vuçiç disa ditë para zgjedhjeve, shkaktoi mjaft kritikë.
Në atë cicërimë, Tusk i tha Vuçiqit se “ai mund të jetë krenar dhe i kënaqur me atë që bëri për Serbinë gjatë mandatit të tij”.
“Suksesi ekonomik dhe udhëheqja e fortë, janë një markë tregtare e sundimit tuaj,” i tha Tusk Vuçiçit, duke i uruar fat në zgjedhje.
