Policia italiane ka arrestuar katër shqiptarë në Prato, ndërsa një i pestë është në kërkim. Shqiptarët akzohen si autorë të vjedhjes së disa bankave në Itali, duke u kthyer në makthin e tyre.
Ata akuzohen se kanë vjedhur shtatë banka në provincat e Firences, Pratos dhe Pisas, ku vlera totale e parave të vjedhura shkon në 100 mijë euro.
Hetimi për vjedhjet nisi në janar të këtij viti nga karabinierët e Scandiçi (Firence). Aksioni nisi pasi disa të dyshuar, për shkak të mbylljes nga pandemia kishin menduar të zgjeronin veprimtarinë e tyre kriminale.
Arrestimet u bënë mëngjesin e së dielës (14 qershor) dhe në aksion morën pjesë një numër shumë i madh policësh. Tre të dyshuar u gjurmuan dhe u arrestuan menjëherë, një i katërt u identifikua dhe u ndal në zonën e Bolognese, natën e 16 qershorit, ndersa një person i pestë është ende në kërkim.
Gjatë kontrolleve karabinierët gjetën dhe sekuestruan 18 mijë euro në kartëmonedha të mëdha dhe mjete të shumta të përdorura për të hyrë në banka.
Të arrestuarit janë të moshave 24 deri 36 vjeç dhe tani ndodhen në komisariatet e Prato dhe Bolonjës.
