Monika Kryemadhi, Kryetare e LSI-së, akuzoi Kryeministrin Edi Rama se po kontrollon shoqërinë civile. Kryemadhi tha se Rama me njerëzit e tij ka marrë nën kontroll Organizatat Joqeveritare.
“Çfarë ndodhi me prokurorin e përgjithshëm, shoqëria civile bllokoi propozimin e kandidaturave për KLP deri në momentin që u zgjodh Prokurorja e Përkohshme. Befas pas zgjedhjes, në orën 23:00 dolën 3 kandidatura. Pse nuk dolën më parë këto? Sepse Edi Rama dhe Soros kontrollojnë shoqërinë civile. Valdete Sala, nëna e shokut të ngushtë të Ramës shpërndan milionat për OJQ”, tha Kryemadhi.
Sipas saj, shqiptarët nuk i dinë këto gjëra, sepse merren me të tjera.
