Pas inspektimeve në subjekte të ndryshme, ISHSH ka gjobitur 17 subjekte në gjithë vendit për shkelje të protokolleve për mbrojtjen nga COVID-19.
Shqipëria po shënon një rritje rekord në 24 orët e fundit për sa i përket numrit të të infektuarve me COVID-19.
Ministria e Shëndetësisë apelon që qytetarët të respektojnë masat parandaluese të COVID-19 si distancimin fizik, maska në ambiente të mbyllura, higjiena personale etj. ndërsa ka njoftuar se do të vijojnë çdo ditë monitorimin të të gjithë subjektet për respektimin e rregullave shëndetësore.
Statusi:
#ISHSH, çdo ditë në terren për të siguruar zbatimin e udhëzimeve të protokolleve për mbrojtjen nga COVID19, zero tolerancë ndaj çdo subjekti.
Vetëm gjatë ditës së djeshme, datë 13.06.2020, Inspektorati Shtetëror Shëndetësor, realizoi 985 inspektime dhe monitorime në të gjitha qarqet e vendit.
Janë marë 17 Masa Administrative me gjobë në subjektet të cilat janë gjetur në shkelje, duke mos marrë masat mbrojtëse, për të respektuar distancimin social dhe protokollet e miratuar.
Inspektimet dhe monitorimi vijojnë çdo ditë, por kërkohet vetëndërgjegjësim i të gjithë subjekteve dhe qytetarëve sepse respektimi i masave i shërben shëndetit të të gjithëve!
MSHMS apel qytetarëve: Parandaloni përhapjen e COVID-19 duke respektuar rregullat:
Ruani distancën nga njëri tjetri,
mbani maska në ambientet e mbyllura ku nuk është e mundur të ruhet distanca,
ruani higjienën personale,
bizneset dhe institucionet të zbatojnë protokollet e sigurisë,
mbroni veten dhe të tjetër në mënyrë që të kufizojmë sa më shumë që të jetë e mundur përhapjen e COVID19.
Ruani shëndetin./
