Koronavirusi, në sipërfaqe qëndron nga 3 sekonda deri në dy minuta. Jeta e tij varet nga disa faktorë si materiali, temperatura dhe lagështia: për këto arsye përhapja e tij mund të ndryshojë në sipërfaqe të tilla si dorezat, enët prej qelqi, enët prej porcelani dhe ekranet e smartphone. Këto thuhen ndër të tjera në studimin e botuar në revistën ‘Physics of Fluids’, të kryer në 6 qytete në të gjithë Amerikën, Azinë dhe Australinë, dhe të koordinuar nga Rajneesh Bhardëaj dhe Amit Agraëal, nga Instituti Indian i Teknologjisë në Bombay.
Shpërthime të ndryshme në qytete të ndryshme
Rezultatet e këtij studimi gjithashtu mund të “shpjegojnë përhapjen e ngadaltë ose të shpejtë të infeksionit në qytete të veçantë në krahasim me të tjerët. Ky mund të mos jetë faktori i vetëm, por sigurisht që llogarit edhe nivelin e rritjes së infeksionit.
Avullimi i pikave në varësi të lagështisë
Studiuesit thonë se “Sapo pikat që mbartin koronavirusin avullohen, virusi i mbetur vdes shpejt, kështu që mbijetesa dhe transmetimi ndikohen drejtpërdrejt nga koha kur pikat mbeten të paprekura. Për këtë studiuesit hulumtuan kohën e avullimit të pikave të pështymës në lloje të shumta të sipërfaqeve në Neë York, Chicago, Los Angeles, Miami, Sidnei dhe Singapor, qytete të cilat kanë temperatura dhe nivele të ndryshme lagështie.
Mbijetesa e virusit bazuar në temperaturë
Eshtë vërtetuar se temperatura e lartë e ambientit bën që pikat të thahen më shpejt, duke ulur në mënyrë drastike shanset për mbijetesë të virusit. Në vendet me lagështi më të lartë, megjithatë pikat mbeten më gjatë në sipërfaqe dhe, sipas autorëve, shanset për mbijetesë të virusit rriten. Për shembull, hulumtimi shqyrton kohën e tharjes së një pikeje në një ambient të mbyllur me ajër të kondicionuar, në 25 gradë, dhe një mjedis të jashtëm në 40 gradë. Çfarë ndodh në 24 dhe 40 gradë – Në 25 gradë koha e avullimit për pikat e vogla është 6 sekonda, e cila rritet në 27 sekonda për pikat e mëdha. Në 40 gradë koha e avullimit zvogëlohet me 50%.
Problemi i rritjes së lagështisë
Sidoqoftë, koha e avullimit të një pike rritet pothuajse 7 herë me rritjen e lagështisë nga 10% në 90%, duke u bërë më e madhe se 2 minuta për pikat më të mëdha në kushte të lagështisë së lartë. Si pasojë, sipas autorëve, ky mund të jetë një problem me rritjen e lagështisë në zonat bregdetare gjatë verës dhe në shumë vende në Azi, ku do të ketë musone midis korrikut dhe shtatorit.
