Newsbomb.al mëson se Këshilli Politik për Refomën Zgjedhore pritet të mblidhet për pak minuta, në orën 19.00.
Palët kanë arritur dakordësinë e plotë për të gjithë çështjet që i ndanin dhe mbanin peng marrëveshjen. Ekspertët e Zgjedhores po presin konfirmimin e kreut të PD Lulzim Basha dhe kryeministrit Rama për të bërë publik finalizimin e saj.
Kujtojmë se, çështja për të cilën palët nuk po arrinin dakordësinë ishte depolitizimi i administratës zgjedhore.
Ndërkohë për shumicën e propozimeve të tjera, disa të ODIHR dhe të tjerat të propozuara nga vetë palët, është arritur dakordësia pas dy takimeve 9 orëshe në Rezidencën Amerikane. Edhe propozimi i opozitës për shtrirjen e identifikimit biometrik në gjithë vendit është pranuar nga mazhoranca.
