Shoqja e ngushtë e 15-vjeçares së abuzuar në Babrru, ka rrëfyer për emisionin ‘Me zemër të hapur’ historinë e saj të abuzimit. Ajo ka zbuluar se problemi nuk ishte vetëm te roja i shkollës Abaz Doku, por më gjerë, duke bërë publik një rrjet të struktuar kriminal.
Ajo tha se dy vajza, më të mëdhaja se ajo, kanë shfrytëzuar pasionin e saj për muzikën, duke e joshur me fjalë, me premtime dhe vegla muzikore, me qëllim trafikimin e saj. Ajo tha se një ditë pas një debati në familje, u largua dhe iku jashtë qytetit me këto vajza.
Më pas iu desh të largohej fshehurazi nga dritarja, me frikën se ato s’do ta lejonin. Më pas vajza ka treguar se ka njohur dy vajza të tjera, të cilat e morën në një lokal, e droguan dhe më pas ato bashkë me disa djem abuzuan me të.
“Dy vajza erdhën në shkollë dhe më treguan mjete muzikore, fillova të shoqërohesha me to, fillova të lija mësimet dhe orët e shkollës. Ato ishin 20-25 vjeçe. Kemi folur vetëm rreth muzikës dhe mjeteve muzikore. Pasi u largova nga shtëpia, pas një debati në familje, takova këto dy vajza, këto do iknin për qejf në një qytet jashtë Tirane dhe jam nisur me to dhe pastaj kur shkuam atje na çuan në një shtëpi që më duket se e kishin të tyren. Tre ditë nuk fola me famijen, merr mami në tel dhe më thotë që kthehu se do operohem nuk kam shpëtim, dola nga dritarja pa dijeninë e tyre, më priste mami”, tha ajo.
Pyetje: Çfarë do ndodhte nëse do i thoje këtyre vajzave që do largohem?
“Nuk e di se çfarë do ndodhte. Kisha frikë. Shkova drejt e në komisariat sepse mamaja kishte bërë një denoncim, në janar 2018. Në polici i dhashë emrat e atyre vajzave, por u mbyll dosja se vajzat nuk u gjetën. Ato vajza mund të jenë të lira edhe sot”.
Pyetje: Për opinionin publik janë të njohura këto vajza?
“Jo nuk janë të njohura. Unë vetë mbas janarit të 2018-ës jam abuzuar seksualisht, më çuan në klub dhe na jepnin lëndë narkotike. Jam rehabilituar dhe tani kam dal nga rehabilitimi. Kam menduar të kthehem në shkollë, por me pak frikë, nga bullizmi.
Mamaja e vajzës: Vajzës i ka mbetur traumë, çdo pjesë që i ka ndodh i ka mbet nga mbrapa.
