Ministrja e Shëndetësisë , Ogerta Manastirliu ka thënë se spitali COVID-4 do të fillojë punën me sezonin turistik për të pritur pacientët që përfundojnë trajtimin tek Spitali Infektiv.
Qëllimi i spitalit është që të karantinojë ata pacientë që duhet të plotësojnë ditët e karantinimit apo vetëizolimit dhe mos shkojnë të infektojnë familjarët.
Manastirliu tha se ky spital do trajtojë jo vetëm turistë të infektuar por edhe raste të brendshme të Shqipërisë.
”Plani i veprimit për përgjigjen ndaj COVID-19. Ne ende përballemi me këtë epidemic, ende ësthë present dhe ka dy nivele të riskut, neto që vlerësohet nga situate 2- javore, dhe potenciali në mënyrë dinamike nëpërmjet parashikimeve matematikore dhe epidemiologjike në lidhje me rihapjen. Bizneset prej 1 qershorit janë rihapur, me pak kufizime, janë protokollet e sigurisë. Nga ana tjetër sistemi shëndetësor prej 18 majit i përgjigjet shërbimeve. Atyre urgjente dhe atyre të planifikuara që ishin kufizuar.
Po rrisim kapacitetet tona. Është shumë e rëndësishme pasi rihapja e bën sfidë gjurmimin e rasteve simptomatike dhe asimptomatike. Kemi laboratorët, edhe atë mikrobiologjik që ka filluar edhe me testimet seriologjike. Kemi pasur prioritet personelin shëndetësor, dhe masat mbrojtëse që kanë qenë arma e personelit shëndetësor.
Kemi fuqizuar strukturat spitalore. Kemi edhe spitalin Covid-3, ka 100 shtretërish, ka shërbim reanimacion, imazheri dhe pritet që të fuqizohet me skaner, minilaborator, dhe disa pajisje për të plotësuar kuadrin. Do i përgjigjet pacientët që përfundojnë trajtimin në Infektiv dhe duhet të plotësojnë ditët e karantinës dhe mos infektojnë në vatra familjare. Por edhe për turizmin. Rastet që do vijnë apo dhe ato që do jenë këtu do të duhet. Dhe rrit kapacitetet në 500 shtretër vetëm në dispozicion të epidemisë, COVID-1, Shefqet Ndroqi, COVID-3, COVID-4. Do të vijojmë me rritjen e stokut, rritjen e automjeteve të flotës së urgjencës. Në të gjitha zonat e largëta që sistemi të jetë i pajisur me autoambulanca të reja. Do të vijojmë punën me mjekun e familjes, me dixhitalizim dhe përdorimin e teknologjisë. Në mënyrë të integruar të ndjekë gjithë elementët për të përballuar epideminë. 2.5 miliardë lekë për të fuqizuar shëndetësinë, një pjesë e madhe e tyre ka shkuar në mbështetje të mjekëve.”- tha Manastirliu.
(BalkanWeb)
