Një shqiptar i ka dhënë fund jetës tragjikisht duke u hedhur nga ura. Ngjarja ka ndodhur në Alessandria dhe viktima është një burrë shqiptar, 56-vjec, emri i të cilit ende nuk është bërë i ditur.
Mediat italiane shkruajnë se ka qenë një roje aty pranë që ka parë përtokë një portofol dhe më pas ka pikasur një trup që pluskonte në ujë brenda lumit.
Ai ka dhënë alarmin në polici në orën 02.10, dhe menjëherë në vend ndërhynë forcat policore. Pas kësaj, trupi i tij i pajetë u bë e mundur të nxirrej nga lumi dhe kanë nisur hetimet për të zbardhur shkakun.
