Kryeministri Edi Rama ka folur gjatë në parlament për teatrin, opozitën dhe situatën politike. Nuk kanë munguar ironitë për kryedemokratin Basha dhe kundërshtarët politikë. Rama tha se nuk është shumë i zoti për konsensus dhe se është i politikës së bindjeve dhe të luftës për bindjet.
“Kur njeriu e kalon të keqen e harron shpejt. Kur përballet me të keqen, ka prirjen të mendojë se e keqja që kishte përballë nuk ia vlente. Ka kaluar një fazë dhe unë jam i bindur se në të gjitha rastet kur të kujtohet kjo, të gjithë ata që zgjedhin të dëgjojnë njerëzit e duhur, zgjedhin të lexojnë fjalët e duhura, do të respektojnë çfarë ne kemi bërë.
Sigurisht do të hapemi, do të hapemi por jo si tek Teatri, si tek Teatri kur papritur u turr turma si sheshi tek përsheshi. Turma e përgatitur prej shumë kohësh që e kishte hipotekuar prej 2 vitesh e gjysmë atë godinë si kështjellën prej ku do të organizonte sulmin final mbi regjimin. Mirëpo çdo njeri ka një dobësi dhe dobësitë njerëzore dalin me shpirtin dhe kur dobësia është që mbi të gjitha vjen gjumi dhe kapesh në gjumë teksa je duke ëndërruar se tani më ke triumfuar dhe hap sytë e sheh që kalaja ka rënë ka shumë dhimbje, ka dëshpërim. Dhe është një dëshpërim i pangushëllueshëm sepse ngushëllohet dëshpërimi i atij dhe atyre që humb në një betejë kur kanë përcaktuar rrugën dhe objektin por jo i atyre që kanë zgjedhur një betejë në rrugën e gabuar dhe godinën e gabuar se nuk po shtoj me kundërshtarët e gabuar. Habitem si nuk na keni njohur akoma se ne themi atë që bëjmë dhe bëjmë atë që themi. Dikush më çoi një mesazh dhe më tha mirë që nuk u lodhe por nuk u mërzite 21 vjet dhe nuk iu ndave deri sa e prishe. Përgjigjja është shumë e thjeshtë, unë nuk kam ardhur dhe as nuk rri në politikë për të kapur ça të kap por për të bërë sukses dhe për të luftuar për bindjet e mia. Nuk jam shumë i zoti për konsensus dhe nuk më vjen zor për këtë, sepse jam i politikës së bindjeve dhe i luftës për bindjet. Duke u kthyer tek dhimbjet ia vlen që të flitet sepse dikush që nuk ka lidhje fare”, deklaroi Rama.
