Kryeministri Edi Rama ka publikuar reagimin e aktorit të njohur Çun Lajçi, i cili shprehet pro shembjes së Teatrit Kombëtar.
Rama thotë se e njeh si Çuni i Plisit të Bardhë e i një “grushti dhé”, ai që lidhi me një fill emocionesh unike diasporën shqiptare me tokën amë.
Më tej ai uron që ta takoj aktorin sapo të hapen dyert e Teatrit të Ri Kombëtar, i cili sipas kryeministrit nuk do të jetë si ai i Shkupit nga forma neoklasike e zgjedhur për arsye ideologjike, por padiskutim do të hyjë në listën e teatrove më të bukur europianë.
Postimi i plotë:
ÇUN LAJÇIN e njoh si Çuni i Plisit të Bardhë e i një “grushti dhé”, ai që lidhi me një fill emocionesh unike diasporën shqiptare me tokën amë, që digjej nga lufta dhe u kthye përmes artit të tij, në ikonën popullore të asaj kohe të mallkuar…
Po ta njihja personalisht apo po të mos më kishte thumbuar edhe mua në rreshtat bashkëlidhur, nuk do ta postoja këtu çka ai ka postuar me një vrazhdësi kaq të kthjellët, mbi këtë sherrnajën vulgare për një godinë të gabuar që u shemb me një vonesë dhjetra e dhjetra vjeçare!
Uroj ta takoj Çunin e Bjeshkëve të Namuna kur të hapim dyert e Teatrit të Ri Kombëtar, i cili nuk do të jetë si ai i Shkupit nga forma neoklasike e zgjedhur për arsye ideologjike, por padiskutim do të jetë një Teatër Kombëtar që do të hyjë në listën e teatrove më të bukur europianë të ndërtuar në kohët moderne
ÇUN LAJÇIN e njoh si Çuni i Plisit të Bardhë e i një "grushti dhé", ai që lidhi me një fill emocionesh unike diasporën…
Gepostet von Edi Rama am Dienstag, 19. Mai 2020
