Kryeministri Edi Rama ka depozituar një akt – padi në Gjykatën e Lartë ndaj ish – kryeministrit të Kosovës , Ramush Haradinaj .
Padia është për deklaratat që Haradinaj ka bërë ndaj Ramës , kur tha se ai bashkë me Thaçin dhe Vuçiç , kanë rënë dakord për shkëmbim territoresh mes Kosovës e Serbisë . Deklarata të cilat Rama i quan të pavërteta .
Në një intervistë për Ora News , Haradinaj thotë se nuk ka frikë nga paditë , pasi siç thotë ai nuk e ka nënshtruar as Millosheviçi .
Ramush Haradinaj : Rama ka menduar që me këto paditë i frikëson njerëzit , i ndalon . Ka menduar se të gjithë jemi në një mënyrë të nënshtruar nga ai .
Rama e di që Millosheviçi nuk më ka nënshtruar mua dhe familjen time . Askush kurrë nuk mund të më nënshtrojë të drejtën e shqiptarëve dhe të Kosovës . Unë jam shqiptar , unë nuk e mbroj Kosovën vetëm për shqiptarët e Kosovës , e mbroj Kosovën se është e drejtë historike e shqiptarëve në Ballkan . Shqiptarët janë popull që asnjëherë nuk kanë marrë nga të tjerët . Të tjerët kanë marrë nga shqiptarët . Është histori e ditur dhe e dhimbshëm sa jemi copëtuar dhe zvogëluar në vazhdimësi . Jam i atij brezi që dua ta ndryshoj këtë logjikë . Ka hyrë mijëvjeçaru i tretë , UCK e ka ndryshuar këtë logjikë . Fqinjët tanë që nuk i respektojnë për vlerat e tyre me të cilët dëshirojnë të bashkëjetojnë nuk mund të marrin prej të drejtës tonë . Sipas tij , Rama , Vuçiç dhe Thaçi kanë punuar për ndarjen e Kosovës .
Ramush Haradinaj : Kam një padi aq sa di unë sepse nuk më ka ftuar gjykata , por jo ajo padi , po çka do qoftë tjetër nuk ka për të heshtur të drejtën e shqiptarëve . Ai ka qenë pjesë direkte , ai dhe lobi i tij dhe sejmenët e tij kanë punuar intensivisht për ndarjen e Kosovës , sikurse ishte edhe zoti Thaci edhe zoti Vucic . Po për fat , qendrat vendimmarrëse , Uashingtoni zyrtar , mekanizmat e sigurisë , ata që e zbatojnë gjeostrategjikë për stabilitet në botë e kanë kuptuar lojën e tyre .
I kam thënë edhe zotit Rama edhe të tjerëve , se kufijtë i kanë vendosur çizmet . Nuk i kanë ndarë ende çizmet . Pra nuk mundet kravatat të ndërrojnë kufijtë sa herë duan pa u marrë vesh me çizmet . Çizmet i kanë vendosur kufijtë
