Shtatëdhjetë e pesë vjet pasi Winston Churchill përdori për herë të parë termin “Perde të Hekurt”, tre kombe baltike janë gati të krijojnë një “flluskë udhëtimi” që do të përjashtojë të huajt ndërsa pandemia e koronavirus evoluon. Kryeministrat e Estonisë, Letonisë dhe Lituanisë kanë rënë dakord të hapin kufijtë e tyre për qytetarët e njëri-tjetrit duke filluar nga 15 maji.
Udhëtarët nga tre ish republikat sovjetike do të jenë në gjendje të udhëtojnë lirshëm – por një pengesë baltike do të bllokojë turistët nga kombet fqinje të Rusisë, Bjellorusisë dhe Polonisë, si dhe udhëtarët me ajër dhe det nga kudo tjetër.
Aktualisht, vetëm shtetas të Estonisë, banorë dhe shtetas të huaj me familjarë janë në gjendje të hyjnë në vend – me dy javë të vetë-karantinës së detyrueshme. Dy republikat e tjera kanë rregulla të ngjashme. Në Letoni, e cila ka një popullsi prej gati 2 milion, 18 njerëz kanë vdekur nga Covid-19. Shkalla e vdekjes në MB është 45 herë më e lartë.
Shtetet baltike kanë arritur në përfundimin se secili prej tyre “e kishte menaxhuar me sukses përhapjen e Covid-19 dhe mund t’i besonin kujdesit shëndetësor të njëri-tjetrit,” sipas qeverisë lituaneze. Kushdo që vjen nga jashtë bllokut do t’ju kërkohet të kalojë 14 ditë në karantinë.
Kryeministri lituanez, Saulius Skvernelis, tha: “Ne do t’i përmbahemi këtij parimi kur kemi të bëjmë me vendet ku situata është shumë e keqe, të cilët nuk morën masa për të kontrolluar përhapjen e virusit. Sidoqoftë sipas specialistëve tregtarisht këto vende do të duhet të hapin kufijtë shumë më gjerë pasi turistët nga Finlanda, Suedia dhe Polonia janë ata që menjëherë mund të kontribuojnë në ekonominë e turizmit, por Rusia është padyshim një jo-jo edhe për shumë kohë akoma. (Independent)
