Uji i petaleve të trëndafilit është jo fort i zakonshëm dhe pikërisht për këtë arsye ai kushton shumë. Por lajmi i mirë për ju sot është se ne mund ta përgatisim atë vetë, në kushtet e shtëpisë. Kostot do të jenë të ulëta ndërsa përfitimet do të jenë të shumta.
Ja disa nga përfitimet e ujit të petaleve të trëndafilit:
- Mirëmban pH e lëkurës
- Ka veti anti-inflamatore për të reduktuar skuqjen dhe aknet, dermatitin dhe ekzemën
- Forcon poret e lekurës
- Lehtëson plagët
- Qetëson sytë
- I jep shkëlqim flokëve
Si ta bëjmë ujin e trëndafilit?
Marim një trëndafil të freskët dhe butësisht godasim petalet e tij. I vendosim në një tenxhere të vogël me ujë dhe i lëmë të ziejnë për rreth 10 minuta.
Pasi të jetë ftohur disi, e hedhim në një kavanoz qelqi dhe e mbulojmë me një napë. E ruajmë në friforifer dhe pas 3 ditësh mund ta përdorim vazhdimisht për cilësitë e lartpërmendura.
